TESTO DEL LIED

"Ei, du Lütte"
di Klaus Groth (1819-1899)

Ei, du Lütte, Söte, Witte,
Ei du Lütte, weerst du min!
Wull di hegen, wull di plegen,
Schust min Schatz, min Demant sin!
Och ik kik di doer de Ogen
Bet int stille Hart hinin:
Ob't ni sin kunn, Lütte, Witte,
Ob't ni sin kunn, du weerst min!
All wat schön is, all wat smuck is,
Och, ik seeg dat all darin!
Funn ik blot darin, du Lütte,
Ok dat Beste: du weerst min!
Ei, du Lütte, Söte, Witte,
Ei du Lütte, weerst du min!
Wull di plegen, wull di hegen,
Schust min Schatz, min Demant sin!